SEKS TURİZMİNİN MƏRKƏZİNƏ ÇEVRİLƏN KƏND
27-06-2012, 19:14
HƏMİN KƏNDDƏN BİR AZƏRBAYCANLI QADIN QOVULUB
Hər yay minlərlə turist Gürcüstanın Qara Dəniz sahillərindəki Gonio kəndinə axışır.
Təkcə ona görə yox ki, burda Roma dövründən qalma liman var və ya burda dənizin çimərliyi çox gözəldir.
Son illər bura turistləri tamam başqa səbəbdən cəlb edir.
SEKS TURİZM
Yerli sakinlər deyirlər ki, bu kənd Orta Asiyadan və Şimali Qafqazdan gəlmiş qadınların fahişəlik yuvasına çevrilib.
Bu seks xidməti göstərən qadınların əsas müştəriləri Türkiyədən gələnlərdir.
Türkiyəlilər Gürcüstana vizasız gəlirlər.
Gonio kəndi isə Türkiyə sərhəddinin 4 km-liyindədir.
Bu sərhəddən Batumiyə gedən əsas yol da elə Gonio kəndindən keçir.
Açıq-saçıq qadınların küçələrdə açıq-aşkar müştəri axtarması və əsas yolun qırağına düzülməsi yerli sakinləri əsəbiləşdirir.
Gonio sakini Azadlıq Radiosuna deyir: “ Acara regionunda hər bir kəs bilir ki, Gonio sakinləri nə çəkir. Kəndin ətrafına toplaşan özbək qadınların vecinə deyil ki, burda uşaqlar var. Onlar türklərlə birlikdə bütün Gonionu, bəlıkə də bütün Batumini zəbt ediblər”.
Gonioda cəmi 3 min yerli sakin yaşayır. Burda fahişələri görməmək mümkün deyil.
Kəndlilər şikayətlənirlər ki, bu gəlmələr onların bütün ənənəvi həyat tərzini təhqir edir.
Mamuka Malaxmadze adlı yerli sakin deyir:
“Kəndlilər fikirləşirlər ki, bütün qadınlar belədir. İndi biri bizim həyat yoldaşımıza və ya qonşu qadına yaxınlşanda artıq şübhələnməyə başlayırıq. Biz öz kəndimizdə buna necə dözə bilərik?”
HÖKUMƏTMİ GÜNAHKARDIR?
Yerli sakinlər kəndlıərinin fahişəlik yuvasına çevrilməsində Gürcüstan hökumətini qınayırlar.
Bu yaxınlarda 450 yerli sakinin imzası ilə yerli icra hakimiyyəti başçısına, Acarıstan və Gürcüstan rəhbərliklərinə şikayət məktubu göndərilib.
Məktubda deyilir ki, polis reydinə az qalmış bütün fahişələr küçələrdən qaçıb-gizlənirlər.
Bu da şübhə yaradır ki, bunların böyükləri polislə əlbirdirlər.
AZƏRBAYCANLI BİR QADIN ,,,
Bu yaxınlarda Gürcüstamn məhkəməsi Acarıstanda fahişəlik şəbəkəsi yaratmaqda ittiham olunan bir nəfərə 15 il həbs cəzası kəsdi.
Yenə bu yaxınlarda Azərbaycandan olan bir qadın Gonioda fahişəliyə görə 60 dollar məbləğində cərimə olundu və Gürcüstanda deportasiya olundu.
Ancaq bu, cəmi iki belə hadisədir və Goniodakı vəziyyətə heç bir təsir göstərməyib.
Hökumətə şikayət məktubu yazanlardan biri David Kokoladze deyir ki, seks turistlər getdikcə həyasızlaşırlar: “Biz onlara şikayət edəndə, deyirlər ki, gedin, öz işinizlə məşğul olun. İndi ermənilər də müştərilər arasındadır. Qadınlar isə əsasən Özbəkistan, Dağıstan və Çeçenistandandır.
BİR QIRĞIZ QADIN ÖZÜNÜ ÖLDÜRDÜ,,,
Narahatlığa başqa səbəb də var. Deyilənə görə, burdakı qadınların bir çoxu fahişəliyə məcbur edilir.
15 il həbsə məhkum olunanın məhkəməsində məlum oldu ki, o, bir özbək qadına söz veribmiş ki, guya onu Batumidə çay fabrikində işə düzəldəcək. Qadın Gürcüstana gələndən sonra isə onu zorla fahişəliyə məcbur edib.
Məhkəmədə məlum oldu ki, o, həmin qadına işgəncə də verirmiş.
Keçən ay bir qırğız qadın Gonioda özünü öldürdü.
Gürcüstan insan alveri ilə mübarizədə səylər göstərir, insan laveri faktlarını araşdırır, bu alverin qurbanlarına xüsusi mərkəzlər açılır.
Amerikanın Dövlət Departamentinin insan tcarəti ilə bağlı iyunun 19-da çıxan son hesabatında Gürcüstan insan alverini ləğv etmək üçün minimum standarlara tam cavab verən ölkələrin birinci sırasına salınıb.
Ancaq insan haqları fəalları Gonio kəndindəki vəziyyəti misal göstərərək Gürcüstan hökumətinin insan alveri və fahişəliklə doğrudan da mübarizə aparmasına böyük şübhə ilə yanaşırlar.
Xalqın Harmonik İnkişafı Assosiasiyası adlı QHT-nin rəhbəri Nana Nazarova deyir:
“Əgər Gürcüstan Dövlət Departamentinin siyahısında birinci sıradadırsa, onda bu, siyasi qərardır.
Çünki reallıqda biz bunu görmürük. Mərkəzlər var, pul ayrılır, ancaq Acarada gördüyümüz biabırçılıqdır.”
Dövlət departamentinin həmin hesabatında Gürcüstanın syləri yüksək qiymətləndirilsə də, deyilirdi ki, “Özbəkistandan və ola bilər, digər regionlardan olan qadınlar Gürcüstanda fahişəliyə məcbur edilir”.
O da qeyd olunurdu ki, Gürcüstan əvvəllər insan alverində tranzit ölkə idisə, indi insan alveri qurbanlarının gətirildiyi ölkəyə çevrilir.
Geri qayıt