ŞOK: FHN ŞEFİ QARDAŞINI ÖLKƏDƏN QOVUR
6-09-2012, 12:50
SƏMƏD HEYDƏROVUN SƏFƏR MEHDİYEVİ SÖYMƏSİ İLƏ BAĞLI QALMAQAL
DİA.AZ: - Bir neçə gün əvvəl məlumat verərək bildirmişdik ki, fövqəladə hallar naziri Kəmaləddin Heydərovun qardaşı bağında işlətdiyi iki nehrəmli fəhləni döydükdən sonra onları təhqir etmiş və eyni zamanda onların Dövlət Gömrük Komitəsi sədrinin müavini Səfər Mehdiyevə güvəndiklərinə işarə edərək, hətta adı çəkilən dövlət məmurunu da ağır ifadələrlə aşağılayıb.
Artıq bu olayın ciddi narahatçılıq yaratmaqla yanaşı, qalmaqala nədən olduğunu da söyləmişdik. Bununla əlaqədar DİA.AZ-a daxil olan son bilgilərdən belə aydın olur ki, Kəmaləddin Heydərov məsələni araşdıtdırıb və deyilənlərin həqiqət olduğunu öyrənib: «Bundan sonra FHN şefi qardaşını çağıraraq, onu möhkəm danlayıb və hətta ona bir müddətlik Azərbaycandan getməyi də məsləhət görüb».
Mənbəmiz bildirir ki, ola bilsin ki, FHN şefinin qardaşı yaxın günlərdə Azərbaycanı ən azından bir illiyə tərk etsin. Çünki FHN şefi qardaşına bildirib ki, bu hadisə ilə onun nüfuzuna xələl gətirir və artıq idarəolunmaz vəziyyətə düşüb…
Geri qayıt