`Azəriqaz`ın yerli qurumları YOXLANILSIN...
Dünən, 08:39
Keçən həftə Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı "Azəriqaz" İstehsalat Birliyində çalışan işçilərdən birinin ilginc bir müraciətini təqdim etmişdi. "DİA-AZ" xəbər verir ki, müraciətdən anlaşılanı o idi ki, "Azəriqaz"ın yeni rəhbərliyi neçə müddətdir ki, bu qurumda çalışanları lazımi avadanlıqlarla təmin etmədiklərindən onlar da iş gördükləri zaman öz hesablarına gərəkən ləvazimatları almaq zorunda qalırlar. Bu isə əksər hallarda onların yerlərdəki müvafiq tikinti materialı satan dükanlara borclanması ilə nəticələnir.
Qeyd edək ki, hələ də rəsmi dairələr bu iddia ilə bağlı hər hansı izahat xarakterli açıqlama verməsələr də, sosial şəbəkələrdə geniş şəkildə müzakirə olunan məsələyə reaksiyalar həddən artıq çoxdur. Bu müzakirəlrdən belə anlaşılır ki, sən demə, problem "Azəriqaz"ın əksər rayon strukturlarında mövcuddur və bununla bağlı dəfələrlə rəhbərliyə şikayətlər olunsa da, nəticəsi olmayıb.
Bu barədə "DİA-AZ"ın səhifəsinə yazan işçilərdən biri isə "Azəriqaz" İstehsalat Birliyinin rəhbərliyini yerlərə monitorinqlərə - yoxlamalara dəvət edib:
"Mən rəhbərlikdən xahiş edirəm ki, "Azəriqaz"ın bütün idarələrini - təkcə Ağsuniu yox... elə hamısını yoxlasınlar. Bəlkə rəhbərlik avadanlıq ayırır, yerlərdəki rəhbərlər yeyir... Biz artıq öz maaşımızla ləvazimat almaqdan yorulmuşuq..."
Geri qayıt