DİA.AZ: - Redaksiyamıza Ucar rayonu Qarabörk kəndi sakini İbrahimova Telli Sabir qızı tərəfindən şikayət ərizəsi ünvanlanıb. Narazı vətəndaş DİA.AZ-a yazır:
“Bu şikayət ərizəmdə yazıb Sizə bildirirəm ki, Göyçay Rayon Xüsusi Notariusu Polad Nəcəfli vəzifə səlahiyyətlərindən sui-istifadə edib, atam Səmədov Sabir Səməd oğluna məxsus Göyçay rayonunda yerləşən evini atamın ikinci arvadı, mənim ögey anam Səmədova Rübabə Ələkbər qızının adına qanunsuz olaraq sənədləşdirmişdir ki, bunu təsdiq edən faktlar var. Belə ki, atam Sabir Səmədov ağır xərçəng xəstəliyindən əziyyət çəkirdi ki, buna görə ona ağır dozalı dərmanlar verilirdi ki, bunu təsirinə görə o huşsuz olurdu, fəaliyyət qabiliyyəti olmurdu. Belə olan halda atamın notariusa gedib evini ikinci arvadına bağışlaması qeyri mümkündür ki, bu qanunsuzluğu Göyçay Rayon Notariusu Polad Nəcəfli vəzifə səlahiyyətlərindən sui-istifadə edərək həyata keçirmişdir.
Həmin bağışlanma müqaviləsindəki imzalar atama məxsus deyil, saxtadır, bunu özləri çəkiblər, əgər ekspertiza edilsə, bu tam subut olunacaq. Atam ağır xərçəng xəstəliyinə görə 4-5 ay tam halsız, huşsuz və fəaliyyət qabiliyyəti olmamışdır. 17 Oktyabr 2013-cü il tarixdə bu səbəbdən vəfat etmişdir.Atamın tezliklə öləcəyini bilən ögey anam mirasa tək başına sahib olmaq üçün Göyçay Rayon Notariusu Polad Nəcəfli ilə sövdələşib atamın iştirakı, razılığı və imzası olmadan evin bağışlanması barədə saxta müqavilə tərtib etmişdilər”.
Daha sonra dia-az.life-a yazan narazı vətəndaş deyir: “Həmin müqavilədəki imza atama məxsus deyil. Həmçinin atama məxsus həmin evin reyesterdən çıxarışınıda çox şübhəli şəkildə əldə etmişdilər ki, bu barədə Daşınmaz Əmlakın Reyesteri Xidmətinin 16 saylı Ərazi İdarəsinin rəisi Ədalət Cabbarova etdiyim 3 müraciət ərizəmə indiyə qədər obyektiv, tam cavab verilməmişdir.Mənim bu barədə ciddi maraqlanmağımı bilən Göyçay rayon Notariusu Polad Nəcəfli həttda mənim telefonuma zəng etdirib hədə qorxuda gəlmişdir.
Gecə saat 21 radələrində mənə zəng edən bir qadın özünü Ədliyyə Nazirliyinin əməkdaşı kimi təqdim etdi və məni hədələdi ki, notarius Polad müəllim düzgün, obyektiv adamdı ondan şikayət etsən sənin üçün pis olacaq.Mən həmin telefon nömrəsini və zəngin tarixini , dəqiq saatını yazmışam.Zərurət olarsa təqdim edəcəyəm. Bəli atam Səmədov Sabir Səməd oğlu ağır xərçəng xəstəsi olduğu üçün fəaliyyət qabliyyəti olmamışdır. Buna görə də onun Reyester Xidmətinə gedib sənədləşmə etməsi və Notariusa gedib mülkünün bağışlanmasında iştirak etməsi qeyri mümkündür.Bu cinayət əməlidir ki, bunu Göyçay Rayon Notariusu Polad Nəcəfli ilə Reyestr Xidmətinin 16 saylı Ərazi İdarəsinin rəisi Ədalət Cabbarov Rübabə Səmodova ilə əlbir olub etmişdilər.
Bildirirəm ki, mən 1971-ci il tarixdə Göyçay Rayonu 1-Ərəb kəndində anadan olmuşam, atamla-anam ayrılmış atam Rübabə ilə ikinci ailə həyatı qurmuşdur.Onların birgə nigahından övladları olmamışdır, mən atamın yeganə övladıyam.Ucar rayonunun Qarabörk kəndinə ərə gəlmişəm. Göyçay Rayonu 1-Ərəb kəndindəki evimiz nənəm Səmədova Qayaxanım Gülbaba qızının adına olmuşdur.Hansı qaydada həmin ev atamın adına sənədləşdirilməsi barədə də mənə nə Notarius nədə ki, Reyester Xidməti düzgün cavab vermirlər qəsdən süründürməçilik yaradırlar, baxmayaraq ki, bu barədə dəfələrlə ərizə ilə onlara müraciətlər etmişəm.
Reyestr Xidmətindən axırıncı dəfə verilən cavab məktubunda qeyd edilir ki, bu barədə Göyçay rayon Notariusuna və 1-Ərəbcəbirli kənd icra nümayəndəliyinə müraciət etməyiniz məsləhətdir.Həmin orqanlarda qəsdən cavab verməkdən yayınırlar.Ögey anam Rübabə Səmədova bilirdiki atam tezliklə öləcək və mənimdə vərəsəlik hüququm var ona görə tez reyester xidməti və notariusla sövdələşib əlbir olub bu cinayəti həyata keçirmişdilər.Mən bütün bunlar barədə aidiyatı orqanlara şikayət ərizələri göndərmişəm.
Mətbuat vasitəsi ilə də Prezident cənab İlham Əliyevə, Mehriban xanım Əliyevaya, Ədliyyə Naziri cənab Fikrət Məmmədova və Baş Prokuror cənab Zakir Qaralova müraciət edirəm; Sizdən xahiş edirəm şikayət ərizəmdə göstərdiyim faktları hərtərəfli və obyektiv araşdırıb vəzifə səlahiyyətlərindən sui-istifadə edib saxtakarlıqla sənədləşmə aparıb cinayət törətmiş Göyçay Rayon Notariusu Polad Nəcəfli və Reyester Xidmətinin 16 saylı Ərazi İdarəsinin rəisi Ədalət Cabbarovun barəsində qanunu tədbirlər görəsiniz.Şikayət ərizəmdə göstərdiyim sənədlərin nənəm Qayaxanım Gülbaba qızı Səmədovanın adına olmuş evin atam Səmədov Sabir Səməd oğlunun adına hansı tarixdə, hansı qaydada və hansı əsaslarla sənədləşdirilməsi barədə də mənə verilməsinə köməklik etməyinizi xahiş edirəm.Bu törədilmiş cinayətdir ki, üstünü ört-basdır etmək qeyri mümkündür”.
Qarşı tərəfin də mövqeyini işıqlandırmağa hazırıq...
