Avropa İttifaqı (Aİ) Ankaranın bu struktura daxil olması yolunda siyasi maneələr yaradır. Trend Türkiyənin "Milliyət" qəzetinə istinadən xəbər verir ki, bu barədə ölkənin Baş nazirinin müavini Bəşir Atalay bildirib.
Onun sözlərinə görə, belə siyasi maneələrdən biri Şimali Kipr məsələsidir, bu məsələ Aİ nümayəndələri ilə demək olar ki, hər görüşdə müzakirə edilir.
B.Atalay qeyd edib ki, Ankara ölkədə bütün sahələrdə islahatları davam etdirir.
