BİR AYDA 20 MİLYON DOLLARLIQ MAŞIN GƏTİRİLİB
20-02-2012, 12:50
İŞLƏNMİŞ AVTOMOBİLLƏRİN İDXALI 80% ARTIB
Bu ilin yanvarında Azərbaycana 2 733 ədəd işlənmiş avtomobil gətirilib. Bu, ötən ilin eyni dövründəkindən 80% (1216 ədəd) çoxdur.
Dövlət Gömrük Komitəsində Turan-a bildiriblər ki, yanvarda idxal edilən minik avtomobillərinin ümumi bəyan edilən qiyməti $20,6 mln olub. Yəni bir avtomobil orta hesabla $7555-a deklarasiya olunub. Bir il əvvəl işlənmiş avtomobillərin orta bəyan edilən qiyməti $7863 idi. Bu isə o deməkdir ki, ticarətçilər ya daha köhnə və ucuz avtomobil gətirir, ya da gömrükçülər qəsdən qiyməti ucuz yazırlar ki, rüşvəti artırsınlar. İKT tətbiqinə baxmayaraq, Azərbaycan gömrüyü ən korrupsiyalaşmış dövlət strukturlarından biridir.
Geri qayıt