KTN ŞEFİNƏ QARŞI YENİ ŞOK İTTİHAMLAR: NAZİR NƏDƏN ADAMINI QORUYUR?
DİA.AZ: - Kənd Təsərrüfatı naziri İsmət Abbasovun nəzarəti altında həyata keçirilən kredit maxinasiyası ilə bağlı DİA.AZ-a yeni məlumatlar göndərilib. Redaksiyamızın elektron poçtuna daxil olan məktubda deyilir:
“Bir zərər çəkmiş Kredit İttifaqının Sədri olaraq İcraçı Kredit Agentliyi Bank Olmayan Kredit Təşkilatının (İKA) Baş Direktoru Arif Əliyev ilə Kənd Təsərrüfatı Naziri İsmət Abbasovun birlikdə korrupsiya əməllərini davam etmələri və kredit ittifaqlarını müflis etmələri barədə məlumat vermişdim. İctimaiyyətə və dövlət rəsmilərinə sizin nəşr etdiyiniz məqalələr vasitəsilə məlumat olaraq bildirmişdim ki, onlar rüşvətdən əlav ə olaraq kredit ittifaqlarından alınan əlavə xərcləri müxtəlif adlarla rəsmiləşdirirlər. Ümumilikdə 22 faizə başa gələn kreditləri “sıfır faizli kredit” kampaniyası adı ilə müştərilərə paylayaraq aldadırlar. Bundan savayı verilən kreditin əsas məbləğinin 50 və daha artıq faizini qabaqcadan müştərilərdən geri alırlar. Hətta bu məlumatları utanmadan öz internet saytlarında da yerləşdirmişdilər. Məqalə çap olunduqdan dərhal sonra isə bu analoqu olmayan kampaniyanı İKA-nın internet saytından pozdular ki, oxucular bunu görməsinlər, bununla da guya izi itirmiş oldular.
Onu da nəzərinizə çatdırmaq istərdim ki, dövlət vəsaitini idarə edən təşkilatı özbaşına özəlləşdirmək, rüşvət və əlavə xərclər toplamaqla bərabər analoqu olmayan girovların qiymətləndirilməsi prosesini də həyata k eçirirlər. Belə ki, xüsusi lisenziyalı qiymətləndirmə firmaları girov qiymətləndirilməsini əmlakın həcmindən asılı olaraq 200-500 manat civarında həyata keçirirlər. Lakin İKA-nın tətbiq etdiyi qiymətləndirmə prosesi Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinin Direktor müavini Famil Rüstəmovun təkidi ilə “ASE consulting” MMC tərəfindən aparılır və bu firma alınan kredit vəsaitinin 1% -i məbləğində vəsaiti kredit ittifaqlarından alır. Bu şirkət tələb olunan haqqı ofisdən kənarda alır və kredit ittifaqlarının sədrlərinə heç bir rəsmi sənəd vermir. Eyni zamanda, kredit ittifaqları İKA-dan kredit alarkən yenə də Famil Rüstəmovun təkidi ilə “Başak İnam” MMC adlı sığorta şirkəti tərəfindən alınan kredit vəsaitinin 1% -i məbləğində vəsaiti sığorta adı ilə eyni üsulla kredit ittifaqlarından alır və heç bir sənəd tə qdim etmir. Bugünə kimi biz bilmədik ki, bu şirkət nəyi sığorta edir və nə üçün bizdən pul yığır və qəbz də vermir.
Gördüyünüz kimi, guya rəsmi şəkildə aldıqları faiz dərəcələri və qeyri-rəsmi rüşvətlər ümumilikdə kredit ittifaqlarına neçə faizə başa gəlir. Bu mexanizmi də peşəkarcasına quraraq Arif Əliyevin işçiləri Famil Rüstəmovun əlaltıları kənarda kredit ittifaqlarından toplayaraq zəncirvari şəkildə “ötür-ötür” sistemi ilə həyata keçirirlər.
Məsələn, yalnız Beyləqan zonasında bu vəsaitləri İKA-nın Beyləqan Regionu üzrə nümayəndəsi Fayəddin Fərmanov toplayır. Monitorinq aparmaq adı ilə rayonlara gedən İKA-nın Rüfət Əlizadə adlı işçisi də bu qeyri-rəsmi vəsaitləri toplamaqda davam edir. Arif Əliyevə gəldikdə isə O, utanmadan və heç bir şey dən çəkinmədən, sanki belə də lazımdır: “bunu məndən Famil müəllim istəyir, O da bilirsiz də Nazirimizə çatdırır ki, bizə dəstək olsun, Layihə əlimizdə qalsın”, deyə hər dəfə qeyd edir. Bütün bunları guya kredit ittifaqlarının gələcəyi üçün edir. O, hansı gələcəyi nəzərdə tutur ki, kreditin geri qaytarılması məlum səbəblərdən gecikdirildiyində, verilən kreditləri guya sığortalamalarına baxmayaraq, kredit ittifaqlarının girovlarını məhkəmə vasitəsilə əllərindən alır. Bu iş üsulu ilə kredit ittifaqları artıq müflis olub, girov sahibləri evsiz qalıb, hətta bəzi kredit ittifaqlarının lisenziyaları da geri alınmışdır.
Onu da qeyd etmək istərdim ki, Arif Əliyev təşkilata gələn pulları hər ay digər xərclər adı altında təşkilatdan çıxa rır. Ona bu sahədə yardımçı olan İKA-nın daxili auditoru Vidadi Musayevdir ki, onun vasitəsilə tamamilə səhv məlumatlar, heç bir çərçivəyə sığmayan rüblük və illik hesabatlar hazırlanır və Mərkəzi Banka yollanılır. Bununla da onlar cinayət törədərək Dövlət Rəsmilərini aldatmaqda davam edirlər”.
Qarşı tərəfi də dinləməyə hazırıq...
