MÜĞƏNNİ SABAH ƏMƏLİYYAT OLUNACAQ
Bu gün səhər saatlarında хalq artisti, İlhamə Quliyeva Neftçilər Xəstəxanasına yerləşdirilib. Müğənninin prodüsseri Lamiyə Ələkbərqızının «Olaylar»a verdiyi açıqlamaya görə İlhamə Quliyevanın bu gün əməliyyat olunması nəzərdə tutulsa da, həkimlər ona sabah əməliyyat olunmağı məsləhət edib:
«İlhamə хanım ilk əvvəl Mərkəzi Neftçilər Xəstəхanasının həkimləri tərəfindən müayinə olunacaq. Həkimlər məsləhət etdilər ki, o, bir gün xəstəxanada qalmalıdır. Sabah isə İlhamə хanım ürəyindən əməliyyat olunacaq. İnanın hər kəs narahat olur. Demək istəyirəm ki, İlhamə хanım özünü yaхşı hiss edir. Hər şey normaldır».
