DİA.AZ: - Bir neçə gün əvvəl məlumat yayıldı ki, təhsil naziri Mikayıl Cabbarov bir sıra rayonların təhsil idarələrinin müdirlərini dəyişməyə hazırlaşır. Amma ardından sözügedən istiqamətdə hər hansı hərəkətlənmənin müşahidə olunmadığı bəlli oldu. Bunun sən demə, özəl nədənləri var imiş.
Bu barədə DİA.AZ-a danışan TN-dəki məlumatlı mənbə bildirir ki, nazir Mikayıl Cabbarov yerlərdəki idarə müdirlərini dəyişməkdə də yetərli gücə sahib deyil: «Maraqlıdır ki, yerlərdə əksər təhsil şöbəsi müdirləri icra başçılarının himayəsi altında olduğundan nazir çox ciddi problemlər yaşayır».
«Hər bir icra başçısı da hansısa məmurun himayəsi altındadır» deyən mənbə iddia edir ki, məhz buna görə də Mikayıl Cabbarovun başlatmaq istədiyi məlum proses yubanmaqdadır: «Başçıya söz deyirsən, onun arxasında dayanan nazir danışır. Misir Mərdanov çox qəliz sistem qoyub gedib»…
