Volodimir Zelenski deyib ki, müharibənin ilk günlərində Aleksandr Lukaşenko rus qoşunları Belarus ərazisindən Ukraynaya hücum etdiyinə görə ondan üzr istəyib.
Yeniavaz.com xəbər verir ki, Ukrayna Prezidenti bu barədə amerikalı jurnalist Leks Fridmana müsahibəsi zamanı danışıb.
Zelenskinin sözlərinə görə, Lukaşenka ona deyib ki, Rusiya Prezidenti Vladimir Putin raketləri Belarus ərazisindən atıb və o, heç nəyə nəzarət edə bilmir.
“O dedi ki, mən deyiləm, Putin mənim ərazimdən raketlər atır. Bu, onun sözləridir, şərti olaraq, şahidlərim var. Dedi ki, üzr istəyirəm. Mən isə ona dedim ki, sən də onun kimi qatilsən. O mənə dedi ki, başa düş, sən ruslarla döyüşə bilməzsən”, - Zelenski bildirib.
Zelenskinin sözlərinə görə, Lukaşenko cavab olaraq onun üçün xüsusilə vacib olan Mozır neft emalı zavodunu (Belarusdakı iki neft emalı zavodundan biridir – red.) vurmağı təklif edib:
“Mən ona dedim ki, sən nə danışırsan?!”
